Gervigreind (AI) hefur á undanförnum árum þróast í öflugt tæki sem styður við kennslu og námskeiðshönnun.

Í fjarmenntabúðum, sem voru 25. mars 2025 í Zoom, var ég með fyrirlesturinn: Frá hugmynd til framkvæmdar: Gervigreind við hönnun og framkvæmd námskeiða. Í  honum fjalla ég um hvernig kennarar og fræðslustofnanir geta nýtt sér AI til að búa til námskeið frá grunni, skipuleggja kennsluáætlanir, þróa kennsluefni og veita persónubundna endurgjöf í námsmati. Ég segi frá fyrsta námskeiðinu sem ég bjó til með hjálp gervigreindar „Kennsla og nám“ og sýni hvernig ég notaði ChatGPT til að endurskipuleggja námskeiðið UPP219F Vefstjórnun og samfélagsmiðlar, sem ég kenni í Upplýsingafræði á Félagsvísindasviði Háskóla Íslands.

Hagnýting AI í námskeiðshönnun

Í fyrirlestrinum legg ég áherslu á hvernig AI-verkfæri geta sparað tíma og aukið skilvirkni í kennslu. Ég kynni nokkur AI kerfi, meðal annars ChatGPT, Claude, Copilot, Deepseek, Gemini og Perplexity. Ég segi frá mismunandi kerfum sem OpenAI býður upp á, í ChatGPT Plus áskrift.

Með því að nýta AI geta kennarar:

• Hannað námskeið frá grunni – Með AI geta kennarar fengið aðstoð við að skrifa kennsluáætlanir og að skipuleggja námskeið.
• Búið til námsefni: AI getur aðstoðað við að þróa kennsluefni sem er sérsniðið að þörfum nemenda.
• Veitt persónubundna endurgjöf: AI gerir kennurum kleift að veita nemendum einstaklingsmiðaða endurgjöf, sem getur stuðlað að betri námsárangri.

Áskoranir og siðferðileg álitamál

Þó að gervigreind bjóði upp á ótrúleg tækifæri, þá eru einnig áskoranir sem fylgja notkun hennar. Hvernig tryggjum við að nemendur noti AI á ábyrgan hátt? Hvaða áhrif hefur það á hefðbundna kennslu? Í fyrirlestrinum ræði ég um þessar áskoranir, gagnsæi og persónuvernd. Hvernig hægt er að láta ChatGPT vita að þú vilt ekki að gögnin séu notuð til að þjálfa módelin og hvaða kerfi bjóða upp á öruggara umhverfi, eða segjast allavega gera það.

Niðurstaða

Fyrirlesturinn “Frá hugmynd til framkvæmdar: Gervigreind við hönnun og framkvæmd námskeiða” veitir innsýn í hvernig AI getur umbreytt kennslu og námskeiðshönnun. Með því að nýta þessi tæki á ábyrgan hátt geta kennarar aukið skilvirkni og stuðlað að betri námsárangri nemenda.

Viltu læra meira?

Skoðaðu myndbandið á YouTube og kynntu þér hvernig þú getur byrjað að nota AI í kennslu þinni!

 Hlekkur á myndbandið: https://youtu.be/SlgOMYHYkr0?si=rT-tMHeUaKiKQP20

 Hlekkur á glærurnar: https://iris.rais.is/is/activities/from-idea-to-implementation-using-artificial-intelligence-in-cour

Getur þú séð fyrir þér að nota AI í kennslu? Deildu þínum hugmyndum í ummælunum við YouTube myndskeiðið! 

* Fjarmenntabúðirnar voru samstarfsverkefni:

1. Fjarska-Samtök um fjarnám og stafræna kennsluhætti
2. Menntavísindasvið Háskóla Íslands
3. Námskeiðið SNU008F Fjarnám og kennsla sem að Sólveig Jakobsdóttir og Tryggvi Thayer kenna
4. Kennslumiðstöð Háskóla Íslands